ЦОККУЕВ 1илмади
1АЬНАН ДИЙНАХЬ
Х1аваэхь детин х1ур хьийза,
Г1улчаш к1ел урамнекъ ц1ийза.
Гонахе шарйина лайно,
Дерт-берчаш яьхна цо къайла.
Аьхналло воьху д1а-ара...
Ков боцу мачаш елхьара!
Дитташ 1а ца гойтуш доьхна,
Ойланаш б1аьстенга йоьг1на.
Стигал ю хьекхалуш коьртах,
Волчунан жимма а зоьртал.
Лайт1ера боларийн йоза...
Велира-кх и дешшал говза!..
Ларш-йоза дийлина чучча,
Хьийзаеш дахаран урчакх.
...Шийла ю,шийла ю арахь,
Цо "милла къажор" ву, къарлахь.
Г1улчаш к1ел урамнекъ ц1ийза,
Лайн х1уьрца мохо йо кхийсарш.
Вай цхьаьна кхерстина доьвли,
Чу г1уо вай, кхид1а ца шеллуш..?
1аьнан дийнахь
© Copyright: Ильмади Цоккуев, 2014
Свидетельство о публикации №114062602525
Свидетельство о публикации №114062602525
Рецензии