Калі гаворыш пра спакой і лад у хаце
і пералічваеш плады жыцця свайго,
хваліся Госпадам, хвалько, і помні, браце:
усё, што маеш, атрымаў не без Яго!
І ў час, калі аднекуль зваліцца навала
і нажытое расцярушыць па зямлі,
не лямантуй, што ў свеце сонейка не стала—
хваліся Госпадам і Госпада хвалі!
Хваліся Ім — і ахінайся СвЯтым Імем
і ў шчырай радасці, і ў стоенай журбе—
і Ен не толькі аніколі не пакіне,
але й звядзе дождж блаславенняў на цябе!
Хваліся Госпадам! Асвечвайся хвалою!
І дзеля кожнага, хто ў свеце заблукаў,
палай паходняй, каб расправіцца з імглою.
І светач твой вянчае Божая рука!
Калi гаворыш...
© Copyright: Лаззаро, 2014
Свидетельство о публикации №114062000933
Свидетельство о публикации №114062000933
Рецензии
На это произведение написаны 4 рецензии, здесь отображается последняя, остальные - в полном списке.