Куьн вилерай вил экъисна тамашиз,
Гьикьван дердер аватIа квехъ, азиз вах?
Уьмуьр кIандай гъам, хажалат амачиз,
Бахтар артух жедайвал чи виниз, вах!
Хъипи цуьквер кьазва чIулав чIарарив,
Къумрал чинай хъуьрез руьгьдин къашарал.
Хъуькъвен кьилер Яргъирушан нурарив,
Къугъвазвачни дамахар гвай яшарал?
Агъзур патахъ катзава зи хиялар,
Вирт кIватIалдай чIижер хьана цуькверал.
Такур чIавуз, на лугьун зун, жез ялар,
Жегьил вахтар хуьквезва зи рикIерал.
Сажидинан ябни гумир гъалатIриз,
Руьгь цавара авай кас я гьамиша.
Арабир вил, шикилдилай аладриз,
Ваз тамашун багъиша заз,багъиша!
Тамашиз
© Copyright: Сажидин Саидгасанов 4, 2014
Свидетельство о публикации №114061507451
Свидетельство о публикации №114061507451
Рецензии