Лугьуда хьи, чун чаз к1ани ксар я,
Амма кьисмет акъвазнава къаршидал.
Аквар гьал чун рик1ер къени ксар я,
Яргъал хъсан я жедалди къуншидал.
Са вун туш кьван, са зун туш кьван кайибур.
Кун тавунмаз ам вуч зат1 я к1анивал?
Сад Аллагьди бахтлу тежез хьайибур,
Кьисметдивай к1ан жезва чаз къенивал.
Кьисмет хьунухь шарт1 туш акьван чарасуз,
Лейли Межнун каначирни чун хьтин?
Чи арада къал хьайила, арасуз,
Исли Керем къаначирни чун хьтин?
Сабурар це жуван рик1из, к1аниди.
Вад къуз ят1ан чун чаз мукьва хьайид тир.
Уьгуьчдин мурз ц1алц1амарда куьнуьди,
Ам на чуру твадай ч1авуз хайид тир.
Дердер, гъамар галачирбур вужар я?
Дуьдгъвер алай фу дак1анди вуж хьурай?
К1ани ксар чара хьунухь - гужар я,
Пис ксариз чеб кьена хьиз, гуж хьурай.
И бейтерин, и дертерин иеси,
Квез жемир хьи бахтариз бул - сагьиб яз.
Сажидина ийизва квез къе веси:
Яр галачиз акъвазмир куьн кесиб яз!
Лугьуда хьи
© Copyright: Сажидин Саидгасанов 4, 2014
Свидетельство о публикации №114060704202
Свидетельство о публикации №114060704202
Рецензии