Хуьруьгрин хуьр, Самур вацIун кьилеллай,
Дагъдин макан - дар ятIани рекьериз,
Къайи шагьвар къугъвазвай хьиз гьуьлеллай,
Пара регьят чка я им рикIериз!
АвачтIани и дагълара жейранар,
Куьз ятIани иниз къвез заз хуш ава.
Гуьзелвилел авур вичин гьейранар,
Гьуьруьпери тIвар алай са руш ава!
Ам са затI я – къизилгуьлдин цуьк хьтин.
Яргъи кифер галай бурма чIарарин.
Яшар жегьил, хура авай рикI хьтин.
Хъуькъвен кьилер, чебни экуьн ярарин!
Чирвал къачуз алахънавай дерин тир,
Гьар са илим чириз адахъ хуш ава.
И Хуьруьга, нямет хьтин ширин тир,
Гьуьруьпери тIвар алай са руш ава!
АкI хьанач хьи, я Сажидин, бес хьурай!
Акур кьвандан ийизва на тарифар.
Гьар са рушахъ гуьзелвални сес хьурай,
Чеб акурла гьейран жедай арифар!
Багъишрай заз адан диде-бубади,
Авуникай за тариф низ вуч ава?
Алакьунриз жеч вичелай зурбади,
Гьуьруьпери тIвар алай са руш ава!
Гьуьруьпери
© Copyright: Сажидин Саидгасанов 4, 2014
Свидетельство о публикации №114060605449
Свидетельство о публикации №114060605449
Рецензии