Векьерин ц1иг. Залан маргъал
Ярхар жезва, къаткизава,
Акъатиз гьекь четин я гьал,
Ят1ани зун диризава.
Векьер к1вачел, чиле, к1унт1а,
Гьерекат ква. Ч1улав цифер,
Гъизва гару, аваз к1ула
Ац1ай парар,кутазвай звер.
Ваъ, алатна масанихъ марф,
Хкатна рагъ,куз к1ук1 кьилин
Юргъун ят1ан тухун кьве маргъв,
Хуьх вилив зун тарцин серин!
Акъадриз ял хъвазва за чай,
Гьич патарив аквазвач сад,
-Бичинчияр!-эвердиз гьай
Авачирла гузвач хьи дад?
-Я баркаван, къацу яйлах,
Нехирарин,суьруьйрин чан,
К1ват1ал тийиз жезвай акъах,
Гьинва лежбер туна ватан?
июнь2013
Векьерин ц1иг
© Copyright: Джарият Магомедова, 2014
Свидетельство о публикации №114053105525
Свидетельство о публикации №114053105525
Рецензии