Ваз бахт гана кьейитIа зун, захъ дерт жедач, руш,
Зун хьиз вунни кайитIа рикI зи перт жеда, руш.
Иер я вун цуьк хьиз таза экъечIзавай бахчада,
Заз кичIе я ви тан атIуз залай чара башкъада.
Гьар пакамахъ ви теменрихъ къаних жезва зун,
Вун зи патав такур чIавуз, дарих жезва зун.
Муьгьуьббатди кайи инсан бахтсуз жеда хьи,
Уьмуьрдани эхиз гьижран вахтсуз шеда хьи.
Зи ашкъидин сергьятар куьз, хьанва лагь, куьруь,
Мегер къелем – шаирдин тур, хьанвани къуьруь?
Ви ашкъидкай зи умудриз эхиратдин кIвал хьана хьи,
Шадвал гуда лугьуз вуна, заз гайиди тIал хьана хьи.
Кьведар
© Copyright: Ибрагимов Магамед, 2014
Свидетельство о публикации №114053006313
Свидетельство о публикации №114053006313
Рецензии