Темирлан ва Къадар

Шагьалзакан их шишухъун Самаргъа,
Ахтах-Темир халкьике зулму биран.
Дагъистайзе вакIиб дунъяла бугъа,
УркIецIи аголе лебилра  кабуршан.

Дербент буциб хIуебла ша вакIиле,
Мелла халкь хугил урехилзе бушиб.
Цунеке къарши кIабилцIуй адамле,
Лебилра цац-кIукIбариле кабушиб.

Халкьике зулму бирнилзакан хIалкьун,
Къархъалике ахъу къархъа хIабатун,
Халкьике зулму бируй цай кIахIайцIун,
Дахъол шагьурте паш дариле датун.

Гьар къарши бикибил жайс гIязаб лугун,
БегIарагъа Къадалике хьулухъун.
Лебил къадалла халкь къарши кIабицIун,
Амма зулмукар Къадалзе хIархахъун.

Ахтах-Темили хIавгьуб Къадар буцес,
Ахтах-Темили дариб хIила-макру,
Хъарбариб хIябал балахъла шалбар бирес,
ГIапIиахъиб шалбар гIанизла ахъу.

Шике ракIибил къадаран уркIрухъун,
Къадаран леву иле хIябал кьяшла ?!
Муъла санав буриле их гъай рухъун,
Муъла санав багьун халкьли Темирла.

Мургьнани дицIилдар иле кьонубе,
Кьонубазе бихьиле зулму бирант,
Къадализе дерхахъун нас кьонубе,
Кьонубазакан дурабикиб душмант.

Къадарунтике гьужум бариб хугил,
Мурадике вягъиле буциб Къадар.
Буиле Аллагьла амру барибил,
Иххъуна бугьахъес ихтила кьадар.



Картина известного художника Шапи Рабаданова.