Гэта проста дзень такi

 Гэта проста дзень такі – музыка плыве па-за межамі таго, што завецца целам. Я спяваю, і маёй светлай галаве дастаткова спеваў тых, бо душа хацела толькі ўзяць удалы рытм, каб я бег хутчэй на спатканне з той, што мне даражэй за злата.  Хто казаў, што шчасце – дым, што агонь вачэй толькі першых тры гады, а далей – расплата?

 Я шчаслівы, далібог: як ваду – ручай,  я пранёс праз доўгі шлях ласку і пяшчоту. Не пужаўся я дарог,  крочыў праз адчай, зарабiў сабе на  дах, абыйшоў балота. Засталося толькі жыць. Я лячу да той, што чакае дзень i ноч, пры любым надвор’i. Застанецца хай яна вечна маладой – першай зоркай у маiм залатым сузор'i.
 06.05.2014


Рецензии
Каб падкрэсліць, што гэта проста мая другая старонка,
проста дубль другі:

Прывітаньне, Сяргей.
І гэта не горш: Свет і Радасць і Шчасце ў бясконым палёце.

З павагай, гэта мой псеўданім,

Ляксандра Зпад Барысава   07.05.2014 14:58     Заявить о нарушении
Вось гэта ўразілі! А я пачаў ужо думаць аб масавай ветлівасці чытачоў!

І нават на Ваша "прывітанЬне" ўвагу не звяртаў. Зусім расслабіўся)))

Махнач Сергей Юрьевсын   08.05.2014 01:27   Заявить о нарушении
На это произведение написаны 2 рецензии, здесь отображается последняя, остальные - в полном списке.