За гьахъвилиз къуллугъзава дат1ана,
Къеневай рик1 дердерив зи ац1ана,
Зу инсанри гафаралди гатана,
Эй,залум тир фана дуьнья,язух ша!
За инсандиз гьич садрани зарар гуч,
Къуй гьар са кас хкаж хьурай-я заз хуш,
Сад Аллаhди тавурай зи эхир пуч,
Эй,залум тир фана дуьнья,язух ша!
Зун хьтин шумуд тепилмишиз канай на,
Шумуд касдиз дердер-гъамар ганай на,
Бахтсузвилер зи кьилелни гъанай на,
Эй,залум тир фана дуьнья,язух ша.
Чун Аллаhди рекье тунвай мугьманар,
И дуьньядал алай вири инсанар,
Худад гъиле дуьзен чуьллер,бустанар,
Эй,залум тир фана дуьнья,язух ша!
Зун Аллаhди халкь авунвай са кьал я,
Зи жендекдиз к1анзавайд са ажал я,
Муьгьуьббатди кьуьзуь авур аял я,
Эй,залум тир фана дуьнья,язух ша!
эй, залум тир фана дуьнья, язух ша
© Copyright: Луиза Ахмедова, 2014
Свидетельство о публикации №114042205852
Свидетельство о публикации №114042205852
Рецензии