Дунял ч!аго гьабизе,
Баг!арбакъ г!ахьаллъула.
Г!умроялда рух! лъезе,
Х!алк!олъи цо дур г!ола.
Дир дуде бугеб рокьи
Жибго замана буго
Заман кигIан аниги
ахир жиндие гьечIеб
Дур диде бугеб рокьи,
Бихьич!еб г!алам буго
Г!акълоялъ борцаниги,
Батизе раг!ал гьеч!еб.
Къабулаб саг!ат буго,
Сверулеб дунялалда.
Данде цолъулеб буго,
Рокьул ц!урал рак!азда.
Берцинлъиялъул аслу,
Ахир гьеч!ей дун йиго.
Авалалдаса наслу,
Свине теч!ев мун вуго.
Дир дуде бугеб рокьи,
Жибго замана буго.
Заман киг!ан аниги,
Ахир жиндие гьеч!еб.
Дур диде бугеб рокьи,
Бихьич!еб г!алам буго.
Г!акълоялъ борцаниги
Батизе раг!ал гьеч!еб.
Гьумер камилай дунги,
Дуде кодое щвана.
Щобил авалабазде,
Ах!и баге хазина.
ПОЕТ: ( ДИНАРА ЗАЛУМХАНОВА) после сольного будет
опубликовано полностью.
Дир дуде бугеб рокьи жибго замана буго
© Copyright: Аминат Максудова, 2014
Свидетельство о публикации №114041206651
Свидетельство о публикации №114041206651
Рецензии