Гьей адам пикри ухъан,
БебкIа хIакера лебкьян,
Иша бяргъибил давла,
ХIяре хIачу барх хIякьян.
Балтад хIуни хъалибарг,
Ишала дунъялизе,
Вагь хIуни алжана барг,
Аркьян хIа чарх кулизе.
Тяйди икиле гьанна,
Ицулебар кьаркьала,
Цабара хIатI алжана
Яра цIяб цIа жагьнамла?!
ЭбкIайкем вашурри хIу,
ВегIли гибил кьяшмачу,
Гьанна хIа чарх ахъбиру,
Муълани ганзихъичу.
ХIа хIал агор чарх бирхьу,
Машия тIакьализе,
Бархле муълани арку,
Убихьес гонзализе.
Имамли биру балга,
Зубраке вяхIикиле,
«Аллагь гIязаб малуга,
Эш хIяре ихьилике».
ХIяб кьяпIариле аркьян,
ХIачу хIу кулъуд гьанна,
КIуял малаик лебкьян,
Суалт хьардагъесана.
Це жаваб биридара
ХIазе дахъ хьардигъутас?
Це жаваб лугавара
ХIуни гибил жавабтас?!
Алжаналзе ушесил,
Яра жагьнамла цIалзе,
ХIа жавабтани гибил,
Кебирхъу ина хIазе.
БебкIа
© Copyright: Салим Герейбеков, 2014
Свидетельство о публикации №114040909592
Свидетельство о публикации №114040909592
Рецензии