ЦЕНІ ЗОРАК
Зыбкая дарога. Цені зорак.
Цішыня. Акна пусты пралёт...
Гасне свечка і гусцее морак.
Працінае вецер навылёт.
Паўз мяне гадзіны і мінуты.
Невыносна, болей не сцярплю.
Ты даруеш мне штодзень пакуты.
Я цябе без памяці люблю!
Немы крык патоне ў сутарэннях.
Не хачу злавацца і маўчаць.
Час маўчаць і час прымаць рашэнне,
Ці наадварот, каб не прымаць.
Волкага паветра прысмак горкі.
Пазіраю ў цемру і палю.
Чэзне час. У небе гаснуць зоркі.
Я цябе без памяці люблю!
9 красавіка 2014
Ценi зорак
© Copyright: Леонид Пранчак, 2014
Свидетельство о публикации №114040902394
Свидетельство о публикации №114040902394
Рецензии
На это произведение написаны 2 рецензии, здесь отображается последняя, остальные - в полном списке.
