I Mana en syarin evoran...

I Mana en syarin evoran,
Ki tha lesato tin horan,
Prep na lesat ta pedias,
Na ehnato sa kardias.

Erhum`ruzo sinengalyas,
"Ya`peiimen nto eiis ta halyas?
Nto nouniis ke nto piryaiise?
Ke nto tyart anastenaiise?"

"Ieok yavrim, tiden pa k`eho,
Emborim oligon veho....
Nto eftas esi arnopom,
Yam erosteses poulopom?

Nto eftane ta pedias,
Pos mathane so sholion?
Ela kathka so fournin,
A`houlenose fain"...

Me ta sherya soufromena
Polema na faz emena...
"Afsa, ime hortazmenos,
A`s`ospitim, faemenos...

Mana ferose yatron?"
" Nto na ftagato`aton...
Atin pa tiden ki`ekserne,
Manahon paradas perne...

A`sa hronya ki larountan,
Osi ezisan thimountan
Ta kala, ta perazmena,
Ta neotita hamena...

Ela kshinose to tan,
Perts s`ospitis pashkitan,
Voutouron, mintzin, manziran...
Mer evriks aikon miran?"

Ar`aets pa stek o kozmon,
Erhese me manas ponon...
Prospathis na voithas,
Voithounese ke... pas...