Рушарикай рахай чIавуз гьар хуьруьн,
Чи жегьилриз кьаз кIан жеда яр ширин.
Зегьмет чIугваз, гьар са хъсан кар ширин,
Вун бике руш яз чида заз, Тамамат!
Буйдиз шумал, пIузар чумал, дамахрин,
Устад я вун гуьрчег, гуьзел кIвалахрин.
Ширин тирвал гвай сесинив булахрин,
Вун бике руш яз чида заз, Тамамат!
Тариф авун тавуртIани – гуьрчег я,
Сажидинни инал, гьелбет, керчек я.
Умун къилих, лезги чилин мелек я.
Вун бике руш яз чида заз, Тамамат!
Тамамат
© Copyright: Сажидин Саидгасанов 4, 2014
Свидетельство о публикации №114040304938
Свидетельство о публикации №114040304938
Рецензии