Масхъарала

Жегой рурси уршили,
ГьарритIес кьас барилри,
ГьарритIес лебкьуй балуле,
Рурси дягIям рилзулри.

Аллагьли гибил бари,
Рурси цайле калъуври,
Цайле царил багьува,
ГьарритIес их бакIилри.

Дура гьар хIарикIуле,
Гъяйгъилизе бикилри,
Цен гьарракIахъесара
Иле, пикри букIулри.

Ца замайзе халбикиб,
Хьунра дарги икIохъиб,
КIатIи икIубил урши,
Рухънакем мушу икиб.

КьутIикиб унзалике,
Рурси дура гьарракIиб,
Унгъизе рикибхIале,
Машийзе их тихъ рариб.

Рушиле их машийзе,
Машина цIакьле беркIиб,
Хьунра дарги икIубил,
Урши машийке дуцIукIиб.

БерхIахъибил замайзе,
Неш дудеш хъули бакIиб,
Хъули ратунил рурси,
Хъулразе раргхIараргиб.

Нешли буциб жан уркIи
ЦIакьле ихти уркIбухъун,
Рурсила хIакьизакан,
Унрубачу жирбухъун.

Унрубани буриби,
Рурси кераира иб,
ГьарритIес бакIибхIале,
Цариял рарх карииб.

Машинас арагъакан,
Рурси цари дуцIрукIиб,
ГьарритIес вакIибил жан,
Ну куна ралтада иб?!

-Мез букIуй унрубани,
Хьунра дарги икIубил
Урши, рурси катува,
Цаб мехIурте дурибил.