Устань i йдзi!

Устань і йдзі! Няма чаго ляжаць!
 Жыццё даецца не дзеля канапы.
 Нясі у свет агмень жывы – агапэ –
 і ты пазбегнеш смертнага крыжа.
 Гані ляноту прэч! І прагні: жыць!
 І бласлаўляць. Маўчун ты ці балака,
 за кожны міг узнось Тварцу падзяку:
 і шлях прамы смакуй, і віражы.
 Любі людзей! Такіх, якія ёсць!
 І так, як Бог іх любіць – безумоўна.
 Усё даруй. І будзь са ўсімі роўны.
 Бо на зямельцы кожны – толькі госць.


Крыніца натхнення: http://www.stihi.ru/2014/04/01/918


Рецензии
Цудоўны верш, і ўспомніўся Пятрусь Броўка.
***
А ты ідзі!
*
Дарог у свеце многа,
А ты між іх сваю знайдзі.
Няхай нялёгкая дарога,
А ты ідзі,
А ты ідзі!..

Няхай цябе віхор збівае,
Няхай трывожна даль гудзіць,
Няхай сцяжынку замятае,
А ты ідзі,
А ты ідзі!..

Няхай звісаюць цемрай ночы,
А ты на зорку ўдаль глядзі
Няхай пясок і золь у вочы,
А ты ідзі,
А ты ідзі!..

Няхай, абы ты верыў прагна,
Няхай жуда, няхай адзін,
Няхай каменне, твань і багна...
А ты ідзі,
А ты ідзі!..

Вацлав Хадосевич   16.06.2014 10:41     Заявить о нарушении
Дзякую! Тут яшчэ і рытм дадае ўражанне.

Лаззаро   17.06.2014 00:40   Заявить о нарушении
УЗМАЦНЯЕ ўражанне.

Лаззаро   17.06.2014 00:41   Заявить о нарушении
На это произведение написаны 4 рецензии, здесь отображается последняя, остальные - в полном списке.