Гьар легьзеда вилик къвезва ви эхъен,
Заз чизамач, гьи патахъ фин, гьикI экъвен.
Кьил квахьнава, зун нив рахан, низ хъуьрен?
Гьич са касни аламачир ким я зун.
Са вулкан тир, ашкъи аршдиз акъахна,
ЦIайлапан хьиз гугрумарна алахьна,
Циферикай накъвар хьана авахьна,
Селлерикай аламукьай шим я зун.
Суьгьуьрдамаз ялав галай чарарин,
Пашманарна вуна кхьей цIарари,
Лигимаррай гила залум гарари,-
Гатун цIикIиз къайи атIай чим я зун.
Вичиз талукь бахтар ава гьарадаз,
Поэзия - са тескинвал хьана заз,
Жедач амма мани кхьиз чарадаз,
Чуьнгуьрдивай къакъатнавай сим я зун.
Гьим я зун?
© Copyright: Билал Адилов, 2014
Свидетельство о публикации №114032505478
Свидетельство о публикации №114032505478
Рецензии