«Ви муьгьуббат заз тIимил я» лагьана,
Багьнадилай вучиз вуна рикI кана?
Жуван тахсир хиве кьазни тахьана
Тек садакай кIуьд авуна фена вун.
ГьикI ширин тир а хъуьруьнар, а гафар,
Амма вучин… перишан я зи чIафар,
Табий жезвач я къелемдиз къе гьафар,-
Верцидакай цIуьд авуна фена вун.
Сувар я къе - Яр чкIанва кьуд патаз,
Зи гьалдикай хабар туш жал яраб ваз?!
Къецел рагъ я, кьилел руькIуьтI - къав гатаз,
Гатфарикай кьуьд авуна фена вун…
20.03.2014
Фена вун...
© Copyright: Билал Адилов, 2014
Свидетельство о публикации №114032311861
Свидетельство о публикации №114032311861
Рецензии
