Куьлег дагълар, мублагь чуьллер,
Дагъдал къугъваз, элкъвез лекьер,
Квез тамашдай кlанда вилер,
Хайи ватан, зи Кашанхуьр.
Аратl багъдай къачуз бегьер,
Гьар са булах шуьрбет-шекер,
Цуькверивди дигай чуьллер,
Авадан хьуй ви, Кашанхуьр.
Абу-земзем къулад булах,
Гатун юкъуз кlанда къвалахъ,
Рекьидалди ийиз дамах,
Гьазур я зун вал, Кашанхуьр.
Гьалалдин фу вилик гъидай,
Мугьмандиз чин-рикl ачухдай,
Кьуьзуь чlехи гъвечlид чидай,
Гьуьрмет авай, зи Кашанхуьр.
Гьинай я вун кьурла хабар,
Кьада ашкъи кваз за ви тlвар.
Ягъиз гъилер гъиз эхтибар,
Зи хуьруьн тlвар, я "Кашанхуьр".
Хьайитlани зун яргъара,
Къекъвезва зи рикl дагълара,
Амма ава зи япара,
Хайи дидед ван, Кашанхуьр.
Шиир кхьиз хуьр рикlеваз,
Эвледар,яр-дуст рикlеллаз,
Камалдина лап вижеваз
Йизва тариф, зи Кашанхуьр!
Кашанхуьр...
© Copyright: Камалдин Ильясов Кашкентви, 2014
Свидетельство о публикации №114032010222
Свидетельство о публикации №114032010222
Рецензии
Камалдин, за ви Кашанхуьр шиир к1елна, хъсан образарни ганва на а шиирда. За фикирна, куь хуьре рагьмтлу Фамус авайди тир. Зи дуст тир ам. Са сеферда Махачкаладай зун гьадан машинда аваз хтана. А рагьметлуда завай чпин хьуьруькай мани жедайвал, са шиир туьк1уьрун т1алабайла, хуькведай рекье ихьтин зат1 туьк1уьрнай. Гьайиф хьи, ам рагьметдиз фена, куьн хуьруьз туьк1уьрай шиир зи компьюторда къатканва. Къуй адаз куьн сайтдай са экв акурай. Ик1 лагьана за квел рекье твазва. Амай ихтиярар ви гъиле ава. Еке гьуьрметдив шаир Сажидин.
Кашанхуьр
Кьуд пад чIурар, кьиле-цавар,
ГапIал цифер-лекьрен лувар.
Шагьвар патал гьар югъ сувар,
Вуч бахтавар я, Кашанхуьр?
«Куьлекдин Кьил», «Къула-булах»,
(Аллагьдив гва гьар са кIвалах.)
Са пад къишлах, са пад яйлах,
Вуч бахтавар я, Кашанхуьр?
«АратIан-Тул» «КIару» жедай,
Чуьл цуькверин хуру жедай,
Акур инсан кьару жедай,
Вуч бахтавара я, Кашанхуьр?
Муьгьуьббатдин къашар авай,
Гьуьруь-Пери рушар авай,
Пак Меккедиз ухшар авай,
Вуч бахтавар я, Кашанхуьр?
Припев:
Чил-агъада, кьилел-цавар,
Шумуд гуьзел я рушан хуьр!
Гьар мугьмандиз ахъа тир вар,
Вуч бахавар я, Кашанхуьр?
Сажидин Саидгасанов 4 11.06.2014 22:47 • Заявить о нарушении
Кашанхуьр
Кьуд пад чIурар, кьиле-цавар,
ГапIал цифер-лекьрен лувар.
Шагьвар патал гьар югъ сувар,
Вуч бахтавар я, Кашанхуьр?
«Куьлекдин Кьил», «Къула-булах»,
(Аллагьдив гва гьар са кIвалах.)
Са пад къишлах, са пад яйлах,
Вуч бахтавар я, Кашанхуьр?
«АратIан-Тул» «КIару» жедай,
Чуьл цуькверин хуру жедай,
Акур инсан кьару жедай,
Вуч бахтавара я, Кашанхуьр?
Муьгьуьббатдин къашар авай,
Гьуьруь-Пери рушар авай,
Пак Меккедиз ухшар авай,
Вуч бахтавар я, Кашанхуьр?
Припев:
Чил-агъада, кьилел-цавар,
Шумуд гуьзел я рушан хуьр!
Гьар мугьмандиз ахъа тир вар,
Вуч бахавар я, Кашанхуьр?
Сажидин Саидгасанов 4 11.06.2014 22:47 • Заявить о нарушении