Нешис гIядабил цаб дурхIя эбкIале,
Игъу калъунил дусме кьунтIрукIуле.
Буриле бегъус хIавруй гъяйгъили,
Рашар цIяба тусла дарги икIуле.
Бугьалра руэ буциле сабурдеш,
Балас нунира бебкIала кьутIкьудеш.
Ита дунъялзе аррякьунил гъяйзе,
Бурар хIатIра ин ша Аллагь ца ахIдеш.
Цуния жан дурхIяла замагъунте,
ДурадяхIизе къарши бикибхIале,
Ихтила мякьла дурхIя агорхIале,
Нешла кони аркьян ламле бигуле.
-Це лебрира бурес хIа уркIилизе,
Бажарди икхIайкибил бурес дизе ?
Вай дия урши, кайхьурри хIябизе,
Ратува ну-неш хугил гIязабизе.
-Цен кьадар бариба дурхъай Аллагьли,
Жан дурхIяла бебкIа ишхъуна кьутIкьуй ?!
Руциле руус хугина баллагьли,
Нуни дия урши цIяб хIябла ирхьуй.
-Урши, ва дия жан ахIарил урши,
Аллагьли хIу кайхьунил хIяб шабараб,
Эш нажас дунъя гьанхIабикесана,
Алжаналзе ушиле рази вараб.
Нешли урши хIяре ирхьу...
© Copyright: Салим Герейбеков, 2014
Свидетельство о публикации №114031607717
Свидетельство о публикации №114031607717
Рецензии