ЯрхIал жагьаннам Аллагьли акIахъун,
ХIябал азир дусли дикьува демжахъун.
Гонагькартис их гIязаб дахъбухъахъун,
Иха буршутаке гьеч цIах хIадилзахъун.
ЯрхIцIале азир жагьнамла дубур леб,
ЯрхIцIале азир цIала кьакьурбе лер,
ЯрхIцIале азир цIала къуюрбе лер,
Дугьалра, гонагьуре дилкьантра леб.
ЦIа бихIуй леб, вайил малаикуне,
КIантIалра уркIецIи бирхIабируте.
Лебилра хIярамт дируле башибте,
Хойбариле цIализе лебикIанте.
ЦIудара жагьнамла цIала буцIардешли,
Чархла лига, диъ, кам, тямурт дицIахъу.
ХIуни иша дузахъуй нас хIярамтли,
Жагьнамизе бекIла мехIа руржахъу.
ЦIала шинжирт дирхъу эн хIа някьбаке,
Хус вариле арку дяхIле цIалике,
Эшти делкIунил гъай хIуни хIаргъадле,
Валлагь-биллагь це хIял бакIеса хIаке ?!
Их гIязаб леб тавба дирхIадирутас,
Чува жан чархис дигахъуй бирутас.
Валлагь жанил алжанара лебил цаби,
Иш дунъялике хIялалт дузахъутас.
Гонагькартис
© Copyright: Салим Герейбеков, 2014
Свидетельство о публикации №114031605707
Свидетельство о публикации №114031605707
Рецензии