СтIал Мислимат
РУЬГЬЕРИЗНИ БАГЬА ЯЗ…
Кьудкъад йисуз дерейра зун къекъвена,
Агакь тийиз зи бахтунин булахдал.
Эхир кьиляй са дамардиз элкъвена…
За, шуьрбет хьиз, хъвазва ам къе дамахдал.
Гьар югъ къведа пуд чкадал пай хьана,
Рагъ акIайла, чилел къведа къайивал.
За, лагьайтIа, гьар вахтуниз гьай гана,
Гайивиляй зи уьмуьрдиз чIехивал.
Шумуд факъир, рикI хуруда амачиз,
Дуьньядилай фена, вилер ахъа яз.
Гьамга хьтин, зерре леке алачиз
Амазма зун руьгьеризни багьа яз...
С-Мислимат. Руьгьеризни багьа яз...
© Copyright: Ахмедпаша Ахмедпашаев, 2014
Свидетельство о публикации №114030707828
Свидетельство о публикации №114030707828
Рецензии
