СтIал Мислимат
ТIАЛ ЧИДАЙ КАС АМАЧНИ?
Вуч ийида гьарнихъай къвер баладиз,
Я эллер, чи Ватандихъ кьил амачни?
Я, тахьайтIа, чун халкь авур Агъадиз
Къара-чIулав чат кепекдик кумачни?
Рекьер, муькъвер - «приставар» бул хьана,
ЧIугвазвайди куьмек.., тапан къул хьана.
Гьар туладихъ гурцIуларни бул хьана.
Инсанриз бес, марифатвал кIамачни?
Улам квахьна, гьатна цацун дереда,
Кар гъилевай са кас амач Куьреда.
Я эллер, чун дуьз рекьел мус хкведа?
Хахаяр, квев гьич инсанвал гумачни?
Бегьердикай хьанва чIуру кIирияр,
ЦIегьрен чуру квайбур хьана фекьияр.
КIвале-кIвале чайд(ин) чкадал жикIияр…
Фагъирар, куь тIал чидай кас амачни?
Бязибуруз кIвалах хьанва угъривал,
Гьахъ рахайтIа, кимидай кьаз дугъривал,
Дишегьлийрал пуьсликвал гъиз, атIуз кIвал…
Судияр, квез анкай хабар авачни?
1996-йис.
С-Мислимат. ТIал чидай кас амачни?
© Copyright: Ахмедпаша Ахмедпашаев, 2014
Свидетельство о публикации №114030707562
Свидетельство о публикации №114030707562
Рецензии