Ст1ал Мислимат
БАРКАЛЛА ВАЗ!
(Къурбан Акимоваз)
Дагъларин кард, Ватандин экв, Лезгистандин нур,
Баркалла ваз, чIехи мухбир, и зегьмет чIугур!
И аманат гьазурдай кьван гьикI вахт фенатIа,
Яраб, вуна шумуд йифен ахвар ханатIа?!
Баркалла ваз, чIехи мухбир, сагърай ви гъилер,
Шадна вуна чIехи алем, цаварни чилер…
Гьазурдайла агъзур чарчин а чIехи ктаб,
Ви фикирдиз кагьул кьванни хьаначтIа, яраб?
Лезгистандин кьилин дестеr, маякрин маяк,
Баркалла ваз, на кутуна катран лувар чак!
Игит хва, чаз аманат я на гайи савкьат,
Хуьда чна, хурудавай рикI хьиз, аманат.
ХкIурай ви гъил гъетерихъ, катра хьиз, гуз лув,
Сагъ хьуй ви чан, шад яз гуьгьуьл, Къурбан Акимов!
СтIал. Мислимат. Къ. Акимоваз
© Copyright: Ахмедпаша Ахмедпашаев, 2014
Свидетельство о публикации №114030706695
Свидетельство о публикации №114030706695
Рецензии
