Навостраны клінкі -
Імчацца хутка коні.
Харугвы не спыніць,
А вояў не стрымаць.
Прыціхлі крыжакі,
Ідуць шыхамі воі,
Зямлю сваіх дзядоў
Айчыну вызваляць.
Вагаецца зямля,
Аблітая крывёю.
Ад стомы хрыпне конь,
Ды бітвы не спыніць.
Чужынцаў Бог пракляў,
Каб славіць мужных вояў,
Што здольны лепш за ўсіх
Айчыну бараніць.
І вось наўкол: - Рубон! –
Пранеслася над полем.
І коні наўздагон
За ворагам ляцяць.
Каб крыжака рука
Больш не змагла ніколі
На наш Літоўскі герб
Кап’ё сваё ўздымаць.
Грунвальд
© Copyright: Валерий Познякевич, 2014
Свидетельство о публикации №114030510597
Свидетельство о публикации №114030510597
Рецензии