Эгер мен къуш олса эдим,
Ватанымнынъ коклеринде,
Къара денъиз узеринде,
Чагъаладай учар эдим.
Эгер де ель олса эдим,
Чатырдагънынъ байырында,
Эгри-догъру ёлларында,
Ах, кезинип юрер эдим.
Эгер кунеш олса эдим,
Чечеклерни, чокъракъларны,
Бутюн джанлы махлюкъларны,
Нурларнен къыздырыр эдим.
Эгер мен сув олса эдим,
Хансарайнынъ азбарында,
Гузель «Козьяш чешмеси»нден
Яваш акъып тюшер эдим.
Эгер атеш олса эдим,
Эр яланны, пахыллыкъны,
Юреклерде яманлыкъны,
Якъар да куль этер эдим.
Эгер япа бильсе эдим,
Эр мусульман джамисинде,
Эр татарнынъ кокюсинде,
Айнен йылдыз олур эдим.
Сентябрь 14, 2007 с.
Эгер мен къуш олса эдим...
© Copyright: Эльмара Мустафа, 2014
Свидетельство о публикации №114022700866
Свидетельство о публикации №114022700866
Рецензии