Р У Б А И . САИРАТ Ахмедпашаева
1.
Вуч гуьзел я! Гьамиша вун жегьил я, дуьнья.
КIанзавайди тамашдай ваз кьве вил я, дуьнья.
Сад билбил я ви бахчада, садни, есир хьиз,
Буьркьуь яз рикI ви къузадик, сефил я, дуьнья.
2.
Агъзур жуьре рахайтIани чIалал куьн,
Язва чилел са ивидин кIватIал куьн.
Эй, инсанар, - и дуьньядин мугьманар,
Вучиз жезва сад-садавай яргъал куьн?
3.
Пуч мийир вахт, гьавайда сят къурмишиз...
Къелем илиг, жезвачтIа тар битмишиз.
геж тавуна, вахкун чилив буржияр,
Атанвач чун дуьньядиз тIям дадмишиз.
4.
Я вахтунал кьенерарни вегьез жедай туш.
Я дуьньяда кIандайвални къекъвез жедай туш.
А кьил авач чи дердерихъ, кангур жезва чун...
Квез я абур?! Эхиратдай хквез жедай туш...
Саират - рубаи на лезгинском языке
© Copyright: Ахмедпаша Ахмедпашаев, 2014
Свидетельство о публикации №114022610337
Свидетельство о публикации №114022610337
Рецензии
