Базала бари рухъна неш,
Туснахъла мякьизе ракIиб.
Цуния жанил уршилис,
Беркос гонайгъуна гатиб.
Иб туснахъла гъаравчузе,
ХIябра гIязизил дугьбачу.
Рамсуварусра ну цIакьле.
Дахъал рашира кьяшмачу.
Зуз барагъа уршилзе,
Нуни гатибил гонай кьацI.
Валлагь букIар туснахъчумбас-
Беркос хIалуга иле зат.
Гъаравчуни жаваб бариб,
«ХIа урши агорачи иб»
Савлал дугьубхIале хьарзаб,
Иш дунъялзакан варсариб.
Жир-жиррухъува рухъна неш,
Хъули гьалакле арракьун,
Ца адамжайни хIабала,
УркIилзе гIянд лебил цегъун.
Базала бари рухъна неш,
Хъуликан сурле аррякьун.
Уршила хIябла мякьизе,
АчрукIуле дурарухъун.
ХIу хъум хIартас урши нуни,
ХIу "ахIарил урши" дия.
Эши ну пашман рариле,
Цес батунрира дуния?
Рухъна нешла жанил урши
© Copyright: Салим Герейбеков, 2014
Свидетельство о публикации №114022208405
Свидетельство о публикации №114022208405
Рецензии