Им са накь туш, им са къе туш, лезгийрин
ТIвар машгьур тир и чи чIехи алемда.
Берекатан бул багъда ва ширин,
Бегьерлувал артух я гьар къелемдал.
Девиррилай девирралди рикIера,
Шадвилер тур къегьелар чахъ мад ава.
Лезгистандин къагьриманрин никIера,
Ген гуьналди акьалтI тийир гад ава!
И диньядин винел чемпионвилин,
ТIвар къачур кас кьвед лугьудай сеферда;
Алим Селимован пагьливанвилин,
Жегьил тир багъ ава кьакьан бегьерда!
Вун гьар гьина аватIани – лезги я,
Ватанди ваз лугьузва къе баркалла!
Чи чил – ризкьи, цав экуь тир гуьзгуь я,
Вал кьвед лагьай Шарвилидин тIвар ала!
Лезги халкьди лугьузва ваз, Алим хва,
Мадни чIехи тIварар къачуз гьазур хьухь.
Греко-римский кьуршах кьунай – алим хва,
Куьн хьтинбур чахъ са шумуд агъзур хьухь!
Баркалла чи Алимаз
© Copyright: Сажидин Саидгасанов, 2014
Свидетельство о публикации №114012404963
Свидетельство о публикации №114012404963
Рецензии
