БОЙ КУРАНТАЎ
Бой курантаў даносіцца рэхам
Разам з песняй гадоў залатых…
Год “Канёвы” страчаю без снега,
Як нявесту без белай фаты…
Праляцелі агністыя ночы,
Непрыкметна “Змяі” год прайшоў,
Мне дыхнула маленствам у вочы
Серабрыстая постаць гадоў…
Год уходзячы даў свае песні,
Нас парадаваў шчасцем, дабром,
Павышэннем зарплаты і пенсій,
Чалавечым, нармальным жыццём…
Але нам бы хацелася сёння:
Грошай безліч каб даў Новы год,
Каб квітнелі штогод нашы гоні,
І шчаслівым быў родны народ!..
Каб Еўропа наш край палюбіла…
Каб сустрэў год “Канёвы” дабром,
Каб інфляцыя банк не душыла.
І для цэн знік у нас іпадром…
Дзякуй кажам табе год “Змяіны”,
Што не быў ты сапраўднай змяёй…
Запрашаем цябе на радзінны –
Год “Канёвы” са шчырай душой!..
23.12.2013 года.
Бой куранта
© Copyright: Николай Соловцов, 2014
Свидетельство о публикации №114012106969
Свидетельство о публикации №114012106969
Рецензии