Зи шиирар урус чIалал гъайиди,
Вуж ятIа ам, ихьтин бике хайиди?
Вун зал дуьшуьш, я Аллагьди гайиди,
ГьикI хьанатIа, азиз, масан, Нарима?
Экуь гъетер, рикIер михьи, цава кьван,
И дуьньяда хъсан ксар ава кьван.
Заз вун дарман хьана дагъдин гьава кьван,
Икьван гуьрчег, икьван хъсан, Нарима.
Къуй ви кьисмет Сад Аллагьдин гъиле хьуй,
Вун ваз кIани адахлидин кIвале хьуй.
Зун куьн авай гьам мехъер, гьам меле хьуй,
РикI къени тир, паклу инсан, Нарима.
Вун такуна, ахарай са хиял хьиз,
РикIяй фена, шад хабар гвай аял хьиз.
Сажидиназ аквазва вун марал хьиз,
Гьич са жуьре квачир нукьсан, Нарима!
Нарима
© Copyright: Сажидин Саидгасанов, 2014
Свидетельство о публикации №114010805675
Свидетельство о публикации №114010805675
Рецензии