Композитор Готфрид Гьасановаз
Нотадин чарчик хкIуна къелем,
Шад хабарар гваз атана сегьер.
Ачух хьана цав, хъуьрена алем,
Емиш багълари гъана бул бегьер.
Гьар са булахда, кIамара михьи,
Музыкадин ван авуна алциф.
Хкаж хьана рагъ майдандиз чIехи,
Такабур я цав, аламачиз циф.
Нотадин чарчик хукIуна къелем,
Мадни гуьзел жез эгечIна дагълар.
ЧIалал атана чан алай алем,
Шадлу макьамрив рахана багълар.
Дагъвийрин гуьзел макьамрин сесер,
Метлебдин дерин, лув гуниз кьезил;
Абулейсандин марфадин тегьер,
Къекъвезва цава, чин тийиз мензил.
Дагъви музыка цавариз зурба,
Хкаж авунай кьегьел тир инсан!
Гьисабзава гьа рекьяй яз зурба,
Гьасанан хтул, Готфрид масан!
Авазрин сесер
© Copyright: Сажидин Саидгасанов, 2014
Свидетельство о публикации №114010803709
Свидетельство о публикации №114010803709
Рецензии