Гуьзел беден, винел патан акунар,
Яргъи кифер, цIийи вацран рацIамар,
Гьалтай касдин фикир вичел чIугунар,
ЛупI-лупIзавай секинсуз тир кIакIамар,
Куьн туширни авурди зун гьеранар?
Амма ашукь авурди зун вилерин,
Муьгьуьббатдин цIай тир туьхуьр тежедай.
Деринвал гвай цаваринни гьуьлерин,
Зун и йикъал гъайиди къе ишедай,
Куьн туширни авурди зун гьейрана?
Кьейидакай пис рахун заз гунагь я.
Афродита – махарик квай аллагь я,
Гьуьле эхъвез акур герек халкьариз.
Кьейидакай пис рахун заз гунагь я.
Чан аламаз кьисмет жедай накьвариз.
Гуьзел къамат акваз йифди ахварай,
Куьн туширни авурди зун гьейранар?
Афродита
© Copyright: Сажидин Саидгасанов, 2014
Свидетельство о публикации №114010603773
Свидетельство о публикации №114010603773
Рецензии