Ракъини вичин къизмишзава цIай,
Цавун целери худда тунва гар.
Заз диде тир Чил инсанрив ацIай,
Къужахламишиз кIанзава пайгар!
Заз дидедин ни къвезва Чиликай,
Уьмуьр багъишай, тербия гайи.
Ам ктаб я зи ахъаз вилик квай,
Кьисметдин чрар кIелиз таз гъайи.
Къуй ракъини мад худда турай цIай,
Ислягь лифери лув гурай цава.
Захъ ватан ава бахтарив ацIай,
Захъ зи Дагъустан-Лезгизстан ава!
Чахъ вири ава
© Copyright: Сажидин Саидгасанов, 2014
Свидетельство о публикации №114010102293
Свидетельство о публикации №114010102293
Рецензии