Зун патал вун дагъдин кьакьан са кукIуш,
Яргъал хьиз аквадай патав финивай.
Гьижрандин лепейри ийизва куш-куш,
Гъам галай ялавар руьгьдиз гъинивай.
Зун патал вун са цуьк, вацIун къеневай,
Эвердай наз гунив, агата лугьуз,
Гагь атир чIугу на, тек ваз хвенавай,
Гагь селди тухуда, акъата лугьуз.
Заз чизва, вун садан гуьлуьшан багъ я,
Лап хъуьтIуьн цикIизни бегьер гузавай,
Бес вучиз зазни вун, лагь, са чирагъ я,
Зулумат къатариз нур гуз кузавай?
РикIелай къабарар алудиз чIун-чIун,
Вучиз зун гьиссери икI чалзаватIа?
За чиз-чиз, зиди туш, зиди жедач вун,
Вучиз тек са вакай хиялзаватIа?
Хиялзава вакай...
© Copyright: Билал Адилов, 2013
Свидетельство о публикации №113121711526
Свидетельство о публикации №113121711526
Рецензии