Нейчюндир бу гедже
Юкъум кельмеди.
Нейчюндир хош аджет
Манъа етмеди.
Бельким де юрегим
Кедерни дуя?
Бельким яш гонълюмде
Кезине руя?
Этрафта - теналыкъ.
Ич бир сес чыкъмаз.
Нур юткъан къаранлыкъ
Къальбимни бозмаз.
Къоджаман толу ай
Кене сакъланды.
О менден сорамай
Ёргъунлыкъ алды.
Акълымда бир индже
Фикир гурьленди...
Нейчюндир бу гедже
Юкъум кельмеди.
Юкъусыз гедже
© Copyright: Батырова Эльнара, 2013
Свидетельство о публикации №113121007301
Свидетельство о публикации №113121007301
Рецензии