Ви шикилдай аквазва заз
Гузвайди хьиз вуна ,руш,наз
К1ан жемир ваз зун кьилди таз
Рик!ин къене хуьзва за вун.
Ацукьнава пенжердал вун
Гуьздемишиз аквар гьал, зун
Гуьзел руш,за къе ваз лугьун:
Рик1ин къене хуьзва за вун.
Са зерре на фикир мийир
Тамамдаказ хьурай ваз чир
Гъилел кьуна жуван чуьнгутр
Рик1ин къене хуьзва за вун.
Мус аквада вун заз лугьуз
Шикилдиз ви теменар гуз
Гуьзлемишиз йифиз-юкъуз
Рик1ин къене хуьзва за вун.
Чан,ширинди,чан,азизди
Дуьньядал чун тахьуй кьилди
Мус илифда вун чи к1вализ
Жуван рик1 хьиз хуьзва за вун!
"Билбил" ктабдай
Рик1ин къене хуьзва за вун
© Copyright: Владик Батманов, 2013
Свидетельство о публикации №113120606275
Свидетельство о публикации №113120606275
Рецензии