Мына, кене кечти кунь.
Кунеш батыгъа къона.
Не яптым экен бугунь?
Озюме суаль къоям.
Не яптым миллет ичюн?
Ватан ичюн не яптым?
Не яптым озюм ичюн?
Макъсадкъамы ириштим?
Йыллар акъа санки сув,
Арткъа пек зор къайтармакъ.
Яша ферасет иле,
Сонъра пешман олмамакъ.
Ярын кене, иншаллах,
Янъы саба догъаджакъ.
Амма айтынъ, ким биле,
Ярын насыл оладжакъ?
Ярын бизни не беклей?
Эбет айтмасы къыйын.
Догъру ёлунъы сечсенъ,
Омюр олур бал дайын.
Майыс, 2007с.
Ярын...
© Copyright: Батырова Эльнара, 2013
Свидетельство о публикации №113120610216
Свидетельство о публикации №113120610216
Рецензии