НуцIа къирун гьудул къватIиве вакке,
Къаси зодоб моцIрол кутак бихьизе.
МоцI сверун свердулел цIвазбахъ балагьун,
Дур цIахIилал берал щванин ракIалде.
Рахъаял беразе сабабгIаги хъвай,
Гьудуласул берахъ ралагьугеян.
КъотIаяб квералъе дугIаги гьабе,
Духъе хъвалел ругел саринал теян.
Дунял роцIцIунилан дие цIар гьечIо,
ЦIер гIадин гIадамал данде чIчIун руго.
Рии бачIаниги дий хасел буго
Дир гьинал рек1еде саву ккун буго!
БагIар бакъул чIорал къалъананиги,
Дир гIаданиб жаниб гIанси чIчIун буго.
Къаси бецIлъи лъугIун къад къо щваниги,
Дир беразда канлъи бихьулеб гьечIо.
Дир канлъи босарал цIахIилал берал
© Copyright: Аминат Максудова, 2013
Свидетельство о публикации №113111710330
Свидетельство о публикации №113111710330
Рецензии