Сэ ухэсхыгъэп, узгъэгугъагъэп,
Сыгу о уилъэу осIуагъэп.
СынапIэ къэсIэтэу о сыоплъыгъэп,
Садэжьы укъаплъэу сыдагъэп.
Сыд сэ силажьэр,
Фэшъхьаф сыгу хихыгъэр.
Лажьэ сэ сиIэп осэIо,
Дагъо сфэхъугъэу, сыгу игугъэр,
Сэ къысфэенэу сэлъаIо.
***
Ары сэIо, гум хихыгъэр, фаеу,
Ебгъэштэтэп, гъашIэу щыIэм Iаеу.
Сэ хэсхыгъэм сыхихыгъэп къысфаеп,
Сыгу ихъыкIрэр сэ шъосIотэп, сыфаеп.
***
Угу хэзгъэкIынэу сэ сыфэягъэп,
Сыпфаеп осIонэу, игъо сифагъэп.
О къыпшIошIыгър фэшъхьаф - къысфэгъэгъу,
Сэри нэмыкI шIу сэлъэгъу.
Хэтхырэм тефэу, тэ тыхихыжьрэп,
Гъусэ тэ тшIытым тишIыжьрэп:
Ащ фэдэу, шъосэIо, макIэп къыхэк1рэр,
Тыгу ыгъэузэу тпэкIэкIырэр.
Сэ ухэсхыгъэп, сэ сыхахыгъэп. орэд
© Copyright: Анатолий Зекох, 2013
Свидетельство о публикации №113110900988
Свидетельство о публикации №113110900988
Рецензии
