КъакIо садэжьы сигъатхэ. орэд

КъакIо, къакIо, къакIо садэжь,
Садэжьы къакIо сигъатхэ.
КъакIо, къакIо, къакIо садэжь,
Садэжьы къакIошъ сегъатхъэ.
              ***
Жъуагъохэр къаблэ, мазэри къаплъэ,
Чэщы мычъыем сыригъэзыгъ:
ШIулъэгъум сежэ, ащ сэ сыпаплъэ,
Гъатхэр къэсыгъэшъ, сэ сыгу къэблыгъ.

Мары мэзыри шхъуантIэ къэхъугъ,
Къэгъагъы пкIашъэу къызэIуичыгъ.
Сыгу сэ шIулъэгъум бэрэ лъыхъугъэу,
Къэгъагъ мэ IэшIоу къызэIукIыгъ.
              ***
Тыгъэм уц шхъуантIэр зэрежэу сыуажэ,
Сэ сикIымафи мары блэкIыгъ.
Сыгу сэ къэблыгъэшъ ерагъэу сэIажэ,
Сыгу укъихьагъ о, сыгу укъэкIыгъ.
          
Мары ошъогум бзыухэр щэбыбы,
Сыгу бгъэм дэмыфэу ари мэбыбы.
ШIункIым сыхэкIышъ, нэфым сылъэхъу,
Усфэнэфынэу шIулъэгъу  сыплъэхъу.
                ***
Тыгъэм уфэдэу сэ усиIэнэу,
МэшIо фэбэшхоу зыозгъэунэу,
ГъашIэм игъашIэ о сыпкIыгъунэу,
Сэ сишIулъэгъуи о бдэзгощынэу.

Гъэтхэ нэмыплъэу о сэ къысфакIу,
Къэгъагъ мэ IэшIоу къысфызэIукI.
ШIулъэгъу сыуажэ, садэжьы къакIу,
О  сыогъотфэ сауж  уимыкI.