Сыд сэ о уасIомэ угу згъэчэфын,
Гъусэ о усшIын сигъашIэм,
Орырэ сэрырэ тызэкIыгъун,
ГъашIэм игъашIэ, егъашIэм.
****
«Хьау» - о къысапIомэ сыгу зэгоутын,
Сыгу сэ егъашIэм кIыжьынэп,
Сизакъоу къэнагъэм сэ сыщысын,
Гъусэ сэ хэти сшIыжьынэп.
Усымылъэгъумэ жьы къысфэщэжьырэп,
Сыбгъэ сэ машIо къетаджэ.
Чэщыр къэкIуагъэми сэ сычъыежьрэп,
Жьэу, сыщылъышъурэп, сэтэджы.
Мары тиуашъо шхъонтабзэу тшъхьащыт,
Тыгъэр шIэтэхэу къыкъокIы.
Ори бэшIагъэшъ - садэжь зэ къыкъокI,
Сэ сыуIагъэу, сыуажэшъ сыщыт.
Тыгъэ нэбзыеу о зэ къысфепсыжь,
ШхъуантIэ къысфэшI сэ сиуашъо.
Сыгъэфэбэжьыри, сыгу гъэпсэфыжь,
ГъашIэу сиIэтым сыбгъашIоу.
Гъусэ усшIын сигъашIэм. орэд
© Copyright: Анатолий Зекох, 2013
Свидетельство о публикации №113110900828
Свидетельство о публикации №113110900828
Рецензии