Оры сигупсэр, оры сикIасэр.
Сыд къысаIуагъэми ащ сядэIунэп,
Iо о къыппалъхьэмэ афэсыдэнэп.
Спсэ нахьы IэшIоу оры сэ сиIэр.
Гъэтхэпэ пчэдыжьэу, пчэдыжьы IэшIоу,
Псыхъоу речъэкIрэм тыготэу тыщытэу,
ШIу сэ услъэгъоу о къыосIуагъ,
Ори сыплъэгъоу ащ дэжьым къэпIуагъ.
***
Сыгу бгъэм дэмыфэу ошъогум быбыгъэ,
Чъэры ар хъугъэу чIышъхьашъом щычъагъ,
Псы чъыIэу речъэкIрэм мэшIошхоу чIэбыгъэ-
Ащ тIэкIу щыIэсагъэу садэжь къэкIожьыгъ.
Псыхъопсы шхъуантIэу, унитIу зачъэзгъауи,
Ащ ачIэ куум санэмысыгъ;
Тыгъэм ычIыпIэ угу зезгъэуи,
Чъы1эм сэ сехьыти сыфэбэжьыгъ.
***
Ощ нэпэмыкI сэ сыфэяхэп,
Ощ нэпэмыкI сыгу сэ естынэп:
Оры сижъуагъор, оры симазэр,
Оры къэнэфэу, нэфэу ситыгъэр.
*****
Оры, оры, оры сэ сикIасэр;
Орэу, орэу, орэу къехьы сишIулъэгъу сэ,
Сегъэбылъы, сычIегъэбы, жьыр сэ сфикъурэп,
СыкъычIэу, сыкъыплъэхъу, узгъотыжьрэп.
Оры сикIасэр. орэд
© Copyright: Анатолий Зекох, 2013
Свидетельство о публикации №113110900808
Свидетельство о публикации №113110900808
Рецензии