СыолъэIу о кIэлэжъыр:
УкъэмыкIу о лIыхъусэжъыр,
Сыкъыпфаеп мо зэ IукI,
Сыогъэпшъы сауж икI.
*
Сауж икIырэп ар къихьагъэшъ,
КъысэлъэIу ар къэкIуагъэшъ;
ШIу селъэгъоу ащ къысеIо,
Орэд щытхъур ащ къысфеIо.
Сижьы кIуапIэ пеубытыкIы,
Синыбжьыкъоу къыздекIокIы,
Тыдэ сыкIоми къыздакIо,
Счъыежьми пчыхьп1эу къакIо.
Сыд сэ, къашъуIо, сшIэмэ хъут,
СищыIакIи сэ мыхъут.
Сыд сэ уасIомэ кIэлэжъыр,
Сауж уикIыт о пцIэпIэжъыр.
Бэ тешIагъэр ар къэкIожьрэп,
Хъугъэр сшIэрэп, сычъыежьрэп.
СыкIэгъожьышъ, сыкIэхьажьрэп,
Ау кIэлэжъыр сэ згъотыжьрэп.
*
СыолъэIу о кIэлэжъыр,
Къэгъэзэжь зэ - л1ыхъужъыр!
Сыкъыпфаеу къыос1от,
СыбдэкIонэуи осIот.
Къэгъэзэжь кIэлэжъыр. орэд
© Copyright: Анатолий Зекох, 2013
Свидетельство о публикации №113110900785
Свидетельство о публикации №113110900785
Рецензии
