Сэ услъэгъуишъ, синэфынэу - дэхэ нагъу,
Къызбгырыуи, сыгу сэ лъэшэу зэкIэнагъ.
Усымгъотымэ сыщыIэжьэп - сыухыгъ.
Жьэу тихъоир, къысфэщэжьрэп - сымэхыгъ.
Сыда сэIо о сыпIукIи услъэгъугъ.
Сыда нитIоу сиIэр къысатыгъ?
Сыда гъучъыгу пытэ сэ симыI?
Пкъышъол шъабэм хэшIыкIыгъэшъ ар ууI.
Сэ сышхэжьрэп, псы сешъожьрэп - сыуIагъ.
Чэщы шIункIым сычъыежьрэп - сыгъэIагъ.
Нэфыр къэшъымэ сыкъыплъэхъу: тэ ущыI?
Къыпызынэу сыгу сэ къэхъу,- сыщымыI.
«Усидах о!» - уасIомэ сшIоигъу.
«Ори ары!» - къапIомэ боу игъу
Ау, жъуагъоу лыдрэм фэдэу успэчыжь,
Сыгу пытэу ухэпкIагъэшъ уимыкIыжь.
Сыда сэIо о сыпIукIи услъэгъугъ?
Сыда нитIоу сиIэр къысатыгъ?
Сыда гъучъыгу пытэ сэ симыI?
Пкъышъол шъабэм хэшIыкIыгъэшъ ар ууI.
Сидунае къэгъэдах сидах. орэд
© Copyright: Анатолий Зекох, 2013
Свидетельство о публикации №113110900763
Свидетельство о публикации №113110900763
Рецензии