Нэфылъыр къыкIечышъ къэфыжьы,
Уашъор темышIэу, къэплъыжьы:
Тыгъэр мыгуаIэу къыкъоплъы,
Дунаир шIэтэхэу къытэплъы.
Чъэп сэхъэу мы телъым,
Еплъыгъэшъ тыгъэ нэбзыйхэр,
Шъо пчъагъэу зэблехъу итеплъэ,
Агъэпшъы нэм инэбзыйхэр.
Мэзы чъыгыбэу мы щытым,
Дышъэ пкIэшъабэу, апытым,
Тыгъэр атепсэшъ мэшIэты,
Мылъкупхъэу, ипкIашъэ къытеты.
Мэз гъунэм зэнджаеу щытым,
Сеплъы Iэрамэу пытым:
Плъыжь лыдэу нэм къыкIэджаго,
Гъоплъ хьаржъоу тыгъэм пэджэгу.
Къушъхьэпс мылдыкъэу речъэкIрэр,
Псыхъопсы кIырэу блэхъушъутырэр,
Бжыхьэр къэсыгъэшъ мэятэ,
Нэпкъым гуихыкIэу лъэкIуатэ.
Бжыхьэу - илъэсым ыкIэ идакIо.
КъэучъыIы, кIымафэр къытфакIо.
Бжыхьэм икIэко-мэфэ мэзахэ,
Тегъэдыи, тыгу егъэмахэ.
Бжыхьэ
© Copyright: Анатолий Зекох, 2013
Свидетельство о публикации №113110900724
Свидетельство о публикации №113110900724
Рецензии