Къара булутларнынъ залым къучагъында
Къара булутларнынъ залым къучагъында,
Зеэрли тиллернинъ къызгъын оджагъында,
Яваш-яваш учып, кимерде ёрулам
Эм насылдыр худжур барлыкъкъа сарылам.
Лякин рухум кучьлю, такъдирнен къырылмаз,
Къанатларым къавий, къолай о урулмаз.
Мен эп бир шиирлер токътамай язаджам,
Тек ильхамым кельсин — кунешдай янаджам!
Март 2, 2007 с.
Свидетельство о публикации №113110910776