Наш край беларускі азёрны, лясісты,
Дзе кожны куток вельмі нам дарагі,
Дзе чуецца гоман сасёнак смалістых,
Дзе Нёман палошча свае берагі.
Дзе нівы жытнёвыя ззяюць, як сонца,
І крык жураўліны чуваць у вышыні,
Дзе льецца народная песня бясконца,
І месяц гуляе ў начной цішыні.
О край ты наш родны, усім сэрцам любімы.
І як бы далека і дзе б ні былі
Сябе адчуваем мы часткай радзімы -
Той роднай зямлі, дзе з маленства жылі.
Наш край з нараджэння святлом навальніцы
Ў нашае сэрца запаў на вякі.
Мы марым душой да яго прыхіліцца,
Як моўч да матулінай роднай рукі.
Наш край беларускi
© Copyright: Сергей Зыбель, 2013
Свидетельство о публикации №113110400144
Свидетельство о публикации №113110400144
Рецензии