Вун галачиз,хъуьтlуьн йифер
За пашмандиз акъудзава.
Захъ авай и цlару вилер,
Ви тандихъ лап магьрумзава.
Санал хьайи ихтилатри
Зи рикl михьиз цlурурзава.
Кьилиз тефей фикирри зун
Чан аламаз,кьурурзава.
Ви киферихъ галаз къугъваз,
Кlанзава зи жегьил рикlиз.
Амма хьанва къе лал зи саз,
Алай симер юзан тийиз.
"Билбил" ктабдай.
Ярдин тlал
© Copyright: Владик Батманов, 2013
Свидетельство о публикации №113110307316
Свидетельство о публикации №113110307316
Рецензии